Taʼlim dasturi

6 yoshdan boshlab bolani maktabga tayyorlaymiz: nutqi, diqqati, xotirasi va qoʻl motorikasini rivojlantiramiz, harflar, raqamlar va sonlar bilan tanishtiramiz. 0-sinfdanoq ingliz tili va Speaking darslari boshlanadi.

Natija: Bola harf va tovushlarni biladi, 10 gacha sanaydi, ingliz tilidagi oddiy iboralarni tushunadi va 1-sinfga tayyor boʻladi.

Mustahkam bilim poydevorini yaratamiz: oʻqish, savodli yozish va matematika. Matematika, ingliz tili va IT chuqurlashtirilgan holda oʻqitiladi, ogʻzaki nutq rivojlantiriladi. Va aynan shu bosqichda bolaga 2-chi til sifatida Xitoy tili qoʻshiladi. 4-sinfda oʻquvchilar ilk loyihalarini bajaradi va murakkab masalalarni yecha oladi.

Natija: Bola mustaqil oʻqiydi va yozadi, ishonch bilan matematik misollarni hisoblaydi, ingliz tilida muloqot qiladi, asosiy IT koʻnikmalariga ega boʻladi.

Matematika, ingliz tili va IT chuqurlashtirilgan holda oʻqitiladi. Oʻquvchilar 3D-modellashtirish va maketlarni chop etishni oʻrganadi, VR-zonada kimyo, biologiya, tarix kabi darslarni oʻtadi, loyiha va tadqiqot ishlarini bajaradi.

Natija: Oʻquvchi murakkab masalalarni yechadi, matn va maʼlumot bilan savodli ishlaydi, 3D-modellar yaratadi va raqamli vositalardan ishonch bilan foydalanadi.

Profilli taʼlim: chuqurlashtirilgan matematika, akademik ingliz tili va IT. 8-sinfdan boshlab IELTS va SAT’ga tayyorgarlik, loyihaviy ish, tanqidiy fikrlash va taqdimot koʻnikmalarini rivojlantirish. Oʻquvchilar ustozlar bilan birga universitet tanlaydi, uning talablariga muvofiq tayyorlanadi, portfolio shakllantiradi va hujjatlarini topshiradi.

Natija: Bitiruvchi akademik ingliz tilini egallaydi, xalqaro imtihonlarga tayyor boʻladi va dunyoning yetakchi universitetlariga kirishga tayyor boʻladi.